بعد الهجوم العنيف الذي تعرض له الإعلامي المصري تامر أمين من قبل نشطاء مواقع التواصل الاجتماعي، وذلك بعد مهاجمته الطالبة التي تم التحرش بها بجامعة القاهرة، ووصفه ملابسها بأنها «لبس رقاصات وشراشيح»، أكد أن كلامه فهم خطأ وأنه ليس من المنطقي أن يبرر للتحرش بالطالبة.
تامر قال: «أنا مخضوض ومندهش ومصدوم لأني مكنتش متخيل عن الناس ممكن يفهوا كلامي بطريقة مختلفة، فوجئت إن معظم الناس فهمت كلامي إني بهاجم الفتاة على أساس إني سايب الجاني وماسك في المجني عليه، لأ طبعا مكن شده قصدي، اللي حصل امبارح جريمة مكتملة الأركان اسمها جريمة التحرش بأنثى والجاني فيها هم الشباب المتحرش، ومفيش مبرر للي هم عملوه».
وأضاف –في برنامجه «من الآخر» على قناة «روتانا مصرية»-: «أنا عمري ما أتدخلت في حرية الأشخاص في لبسهم، الزي حرية شخصية، بس أنا بتكلم في ملائمة الزي للمكان، أي بنت في الجامعة رايحة مكان للعلم وفي عز النهار وفيها تجمعات شبابية بالآلاف، والشباب أساسا على شعرة، فهي تخاف على نفسها علشان متديش فرصة لحد يجرحها بنظرة».
وأضاف: « قولا واحدا الجريمة جريمة، الجريمة ارتكبها الشباب وهي جريمة التحرش ويجب عقابهم بالقانون، ونصيحة للبنات حافظوا على اللبس المناسب في المكان المناسب علشان تحموا نفسكوا، لأن انتوا عرضنا وشرفنا، وأرجوكم خلوا بالكم من نفسكم لحد ما نعرف نربي الشباب اللي بيقف على النواصي، ومعندهوش ولا عرض ولا دين».
Comments[ 0 ]
إرسال تعليق